Projekti “Harta Kulturore e Prishtinës” zhvillon një platformë digjitale gjithëpërfshirëse që do të shërbejë si një udhërrëfyes kulturor për qytetin e Prishtinës. Duke përdorur teknologjitë më të fundit, ky projekt mbartë një platformë me hartë interaktive që përfshin vendet më të rëndësishme kulturore, monumentet historike dhe ngjarjet kulturore që zhvillohen në qytet. Përmes kësaj harte, përdoruesit do të mund të eksplorojnë detaje mbi ngjarjet aktuale, ekspozitat e artit, performancat teatrale, koncertet, festivalet dhe shumë aktivitete të tjera kulturore.
Ky projekt synon jo vetëm të promovojë trashëgiminë kulturore dhe turizmin kulturor në Prishtinë, por edhe të krijojë një hapësirë të qasshme për edukimin dhe ndërgjegjësimin e publikut mbi rëndësinë e kulturës dhe artit në jetën e përditshme. Platforma do të përfshijë një kalendar të detajuar të ngjarjeve të ardhshme, do të ndihmojë vizitorët të kuptojnë rëndësinë historike dhe kulturore të vendeve dhe monumenteve që përfshihen në këtë hartë.

Rezultatet e pritura përfshijnë:

Rritje të pjesëmarrjes në ngjarjet kulturore dhe artistike në qytet.
Angazhim më të madh të komunitetit përmes pjesëmarrjes aktive dhe edukimit mbi rëndësinë e kulturës.

Përmirësimin e dukshmërisë dhe qasjes në hapësirat dhe monumenteve kulturore.
Krijimin e një burimi të centralizuar dhe të lehtë për t’u përdorur për vizitorët dhe banorët e Prishtinës.
Nëpërmjet një kombinimi të teknologjive moderne dhe bashkëpunimeve me institucionet lokale e qendorte kulturore, skenës së pavarur kulturore dhe akterëve tjerë, projekti do të sigurojë që Prishtina të ketë një platformë unike që do të ndihmojë në promovimin dhe ruajtjen e trashëgimisë së saj kulturore për brezat e ardhshëm.

Mbështetur nga Komuna e Prishtinës, ky projekt përfaqëson një hap të rëndësishëm në promovimin e kulturës dhe trashëgimisë lokale, duke kontribuar gjithashtu në zhvillimin e turizmit kulturor dhe ekonomik të qytetit. Me një fokus të veçantë në rritjen e pjesëmarrjes së komunitetit dhe përmirësimin e dukshmërisë së ngjarjeve kulturore, pritet që projekti të ketë një ndikim të madh në jetën kulturore të qytetit dhe të nxisë më shumë bashkëpunime ndërmjet institucioneve kulturore, artistëve dhe komunitetit më të gjerë.

Projekti është zbatuar nga Besart Vllahinja, një ekspert nga fusha e zgjidhjeve digjitale. Ky projekt synon të ofrojë një përvojë përdoruesi të lehtë dhe të përditësuar vazhdimisht, duke siguruar që të gjitha ngjarjet dhe aktivitetet kulturore të jenë gjithmonë të aksesueshme dhe të përditësuara në kohë reale.